Në Mitrovicë hapet panairi i produkteve vendore - Bota Sot
Në Mitrovicë hapet panairi i produkteve vendore

Mitrovica

Në Mitrovicë hapet panairi i produkteve vendore

Më: 13 gusht 2020 Në ora: 19:12
Në Mitrovicë hapet panairi i produkteve vendore

Tek hapësira afër xhamisë “Isa Beg” në Mitrovicë, është hapur panairi i produkteve vendore, për katër javë rresht nga tre ditë në javë, që është mbështetur nga Komuna e Mitrovicës, gjegjësisht nga Drejtoria për Bujqësi dhe Zhvillim Ekonomik, në bashkëpunim me organizatën “Business Women”, dhe gratë e tjera fermere.

Qëllimi i këtij panairi është të mbështes prodhuesit vendor dhe të rrisë vetëdijesimin për konsumimin e produkteve vendore, si dhe të promovojë kreativitetin dhe idetë e prodhuesve tanë.

Këtë panair e kanë vizituar nënkryetari i komunës, Faruk Mujka së bashku me drejtorin për Bujqësi dhe Zhvillim Rural, Ekrem Sadiku, dhe drejtorin për Financa dhe Zhvillim Ekonomik, Shukri Gashi.

Gjatë vizitës nënkryetari Mujka, tha se panairi i produkteve vendore tashmë është bërë tradicional dhe është një mundësi e mirë që prodhuesit t’i promovojnë dhe shesin produktet e tyre.

Po ashtu, nënkryetari Mujka, shtoi se Komuna e Mitrovicës, aq sa i lejojnë mundësitë buxhetore, do t’i përkrahë prodhuesit vendor në fushën e promovimit të produkteve të tyre, andaj edhe i inkurajon ata për punë të vazhdueshme dhe të palodhshme.

Shfaq komentet
comments powered by Disqus
Sot mund të lexoni Shfletoni kopertinat