Drejtoria Rajonale e Policisë në Mitrovicë, është mirënjohëse ndaj dy nxënësve për gjestin e ndërgjegjshëm që e kanë bërë sot. Një kuletë e humbur me dokumentacion dhe me një shumë të hollave është gjetur afër shkollës profesionale në Skenderaj nga dy nxënës të cilët atë e dorëzuan në Polici.
Policia pasi ka identifikuar dhe verifikuar personin të cilit i ka humbur kuleta me dokumentacion dhe të hollat, të njëjtat ia ka dorëzuar pronarit, me ç’rast i njëjti ka falënderuar dy të rinjtë- nxënësit dhe policinë e Kosovës.
‘Ky gjest i mirë, është raportuar sot rreth orës 07:55 nga dy të rinjtë- nxënës të cilët deri sa ndodheshin në udhëkryqin afër shkollës profesionale në Skenderaj, kanë gjetur një kuletë me dokumentacion dhe një shumë të hollave”, bëhet e ditur në komunikatën e dërgar nga Drejtoria Rajonale e Policisë në Mitrovicë.