Kryetari i Komunës së Mitrovicës, Agim Bahtiri, priti në një takim drejtorin gjeneral të kompanisë “QTA”, Agron Durmishi, i cili ka shprehur vullnetin të dhuroj 10 mijë maska mbrojtëse për Komunën e Mitrovicës.
Me këtë rast kryetari Bahtiri, ka falënderuar kompaninë në fjalë për dhurimin e këtij donacioni shumë të nevojshëm në këtë kohë pandemie, duke thënë se këto maska mbrojtëse do të shërbejnë për nevojat e institucioneve dhe të qytetarëve, dhe ndihma të tilla janë të mirëseardhura për tu mbrojtur nga virusi COVID-19.
Ndërsa, drejtori gjeneral i kësaj kompanie, Agron Durmishi, falënderoi kryetarin Bahtiri për pritjen dhe mbështetjen e dhënë bizneseve në Mitrovicë.
Kjo nuk është hera e parë që “QTA” dhuron donacione dhe mbështet familjet me asistencë sociale në Komunën e Mitrovicës.