Demos dhe Komuna diskutojnë për identifikimin e grupeve të margjinalizuara në Mitrovicë

Mitrovica

Demos dhe Komuna diskutojnë për identifikimin e grupeve të margjinalizuara në Mitrovicë

Më: 4 gusht 2021 Në ora: 16:17
Pamje nga takimi

Nën mbështetjen e Demos-it sot në Mitrovicë është mbajt takim më zyrtarët komunal ku është diskutuar lidhur me identifikimin e grupeve të margjinalizuara në nivel komunal.

Të pranishëm në këtë takim ishin, drejtoresha për Integrime Evropiane dhe Mirëqenie Sociale, Fitore Mehmeti Behrami, drejtoresha për Mbrojtjen e Mjedisit, Aida Ferati Doli, udhëheqësi i Njësisë për të Drejta të Njeriut, Fitim Rama, përfaqësues nga Demos-i si dhe zyrtar të tjerë komunal.

Gjatë këtij takimi përfaqësuesja nga DEMOS, Adelina Hasani, ka ofruar mbështetje ndaj komunës së Mitrovicës në identifikimin e grupeve të margjinalizuara.

Ndërsa nga pjesëmarrësit e pranishëm është diskutuar për politikat dhe strategjitë komunale në identifikimin e këtyre grupeve.

Në fund të këtij takimi është potencuar se është mëse e domosdoshme që komunat të kenë një data bazë e cila do të identifikoj grupet më të cenueshme dhe më të margjinalizuara në nivel komunal.

commentFirst article
Më të lexuarat
Sot mund të lexoni Shfletoni kopertinat