Kryetari i Komunës së Mitrovicës, Agim Bahtiri dhe drejtori i Organizatës “Islamic Relief Kosova’, Ramadan Berisha, kanë nënshkruar të enjten marrëveshjen për pranim-dorëzimin e donacionit-pajisje dhe material shpenzues mjekësor për institucionet shëndetësore të Komunës. Të pranishëm ishin edhe nënkryetari i Komunës, Faruk Mujka dhe drejtoresha e Shëndetësisë të Komunës, Vlora Haxhimehmeti.
Qëllimi i kësaj marrëveshje ka të bëjë kryesisht me përmirësimin e shërbimeve shëndetësore të kujdesit parësorë dhe kujdesit dytësorë shëndetësor për qytetarët e Komunës së Mitrovicës.
Këto produkte mjekësore, sipas drejtorit Berisha, janë të dhuruar nga Globus Relief (SHPA), projekt ky që implementohet përmes “Islamic Relief Kosova”.
Po ashtu Drejtori Berisha ritheksoj se përfituesit e këtij donacioni në vlerë prej 363,758.90 dollarësh, do të jenë kryesisht institucionet shëndetësore në Komunën e Mitrovicës, përkatësisht 13 ambulancat e komunës, 10 Qendrat e Mjekësisë Familjare dhe Qendra Kryesore e Mjekësisë familjare, si dhe spitali i qytetit më të gjitha repartet.