Dhjetëra vullnetarë nga Let’s Do It Kosova dhe “Bidge Film Festival” në një aksion të realizuar gjatë ditës së djeshme, kanë pastruar hapësirën përreth Liqenit Akumulues në Mitrovicë.
Ky aktivitet i ka paraprirë hapjes së “Bridge Film Festival”, ndërsa përveç vullnetarëve të shumtë, ndihmë ka ofruar edhe kompania e pastrimit “KRM Uniteti” me makineri dhe punëtorë.
Let’s Do It Kosova u bën thirrje qytetarëve që ta mbajnë të pastër atë hapësirë, nga e cila dje u largua sasi e madhe e mbeturinave.
Po ashtu, është vrenjtur që në atë lokalitet nuk ka shporta dhe kontejnerë, andaj u bëjmë thirrje edhe institucioneve që sa më shpejt të ndërmarrin hapa konkret dhe të ofrojnë shërbime në atë zonë për qytetarët, në mënyrë që të parandalohet ndotja e mjedisit.
Aksioni u organizua në kuadër të projektit të Zyrës së Bashkimit Europian në Kosovë “Let’s Do It Legal”, i cili zbatohet nga Fondacioni Kosovar për Shoqëri Civile (KCSF), ndërsa implementohet nga Let’s Do It Kosova.
Ditë më parë në Mitrovicë u mbajt edhe një tryezë regjionale me akterë përgjegjës të mjedisit, në të cilën u diskutua për Promovimin dhe Zbatimin e Urdhëresës Administrative për Gjoba Mandatore, në mënyrë që të parandalohet ndotja e mjedisit dhe të ngritët vetëdija e institucioneve dhe qytetarët për përgjegjësitë e tyre karshi mjedisit.
Let’s Do It Kosova ju njofton se edhe më tej do të vazhdojnë aktivitetet në kuadër të projektit “Let’s Do It Legal”.
