Kryetari i Komunës së Mitrovicës, Agim Bahtiri ka dënuar sulmuar ndaj shtëpisë së një shqiptarit në Lagjen e Doktorëve dhe sulmi ndaj një taksistit në Mitrovicë.
Ai ka shkruar në Facebook se këto sulme janë tejet shqetësuese dhe të pa pranueshme, veprime të cilat kanë për qëllim tensionimin e situatës dhe përkeqësimin e marrëdhënieve ndëretnike.
Postimi i plotë:
E dënoj ashpër sulmin fizik të kryer ndaj një taksisti shqiptar në veri të Mitrovicës.
Rasti i sulmit ndaj një shtëpie shqiptare në Lagjen e Doktorëve dhe sulmi i djeshëm ndaj taksistit janë tejet shqetësuese dhe të pa pranueshme, veprime të cilat kanë për qëllim tensionimin e situatës dhe përkeqësimin e marrëdhënieve ndëretnike dhe ndërnjerëzore, gjë të cilën qytetarët e Mitrovicës, pa marrë parasysh përkatësinë etnike, nuk e pranojnë.
Kërkoj nga qytetarët e të dyja komunave të Mitrovicës që të vazhdojnë përkushtimin dhe angazhimin e deritashëm për shtensionimin e plotë të gjendjes dhe për kultivimin e raporteve të mira ndëretnike, si dhe përmirësimin e mëtutjeshëm të bashkëpunimit dhe komunikimit të ndërsjelltë.
Ndërsa, nga organet e hetuesisë kërkoj veprim më energjik në zbullimin e shkaktarëve të incidenteve dhe sjelljen e tyre para organeve të drejtësisë për të marrë dënimin e merituar.
