Pastrohet ambienti në lagjen e romëve në Mitrovicë - Bota Sot
Pastrohet ambienti në lagjen e romëve në Mitrovicë

Mitrovica

Pastrohet ambienti në lagjen e romëve në Mitrovicë

Më: 13 nëntor 2018 Në ora: 15:12
Pastrohet ambienti në lagjen e romëve në Mitrovicë

Në kuadër të aktivitetit ”Ta pastrojmë Kosovën” , Komuna e Mitrovicës në bashkëpunim me OJQ ”Lets do it Kosova” kanë organizuar aksionin për pastrimin e lagjes së romëve afër stadiumit ”Riza Lushta”, tek rruga ”Adem Voca” në Mitrovicë.

Ky projekt është financuar nga Zyra e Bashkimit Evropian në Kosovë, përkrahet nga BGF dhe organizata INDEP që zbatohet nga iniciativa ”Ta pastrojmë Kosovën”.

Në këtë aksion ishin të pranishëm nënkryetari i komunës, Faruk Mujka, drejtori i drejtorisë për Mbrojtje të Mjedisit, Asllan Isufi, ekipi i Lets do it Kosova, punëtorë të shumtë nga KRM ”UNITETI” , zyrtarë tjerë komunalë, nxënës dhe banorë të kësaj lagjeje.

Nënkryetari i komunës, Faruk Mujka, i cili ishte pjesë e këtij aksioni ju bëri thirrje të gjithë qytetarëve që së pari të rrisin kujdesin për mjedisin dhe të bashkëngjiten në aksionet e pastrimit në mënyrë që së bashku të veprojmë për përmirësimin e gjendjes së mjedisit në vendin tonë.

“Ky nuk është aksioni i vetëm që e ka ndërmarrë komuna e Mitrovicës në pastrimin e kësaj lagjeje sepse ne jemi të përkushtuar që të gjitha lagjet dhe fshatrat e qytetit tonë të jenë sa më të pastërta duke e ditur rëndësinë që ka mjedisi në shëndetin tonë”, tha ndër të tjerash nënkryetari Mujka.   

Rol të rëndësishëm në zhvillimin e këtij aksioni pati edhe kompania regjionale e mbeturinave “UNITETI” e cila ka ofruar makineritë ndërsa materialet tjera të nevojshme janë siguruar nga OJQ “Lets do it Kosova”.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...