Shëroni lëkurën e çarë dhe të skuqur të duarve me maska natyrale - Bota Sot
Shëroni lëkurën e çarë dhe të skuqur të duarve me maska natyrale

Mjekësi alternative

Shëroni lëkurën e çarë dhe të skuqur të duarve me maska natyrale

Më: 5 maj 2020 Në ora: 11:38
Foto ilustrim

Në kohën e coronavirusit rekomandohet larje e shpeshtë e duarve si edhe dezinfektimi i tyre. E gjithë kjo ndikon në lëkurën e duarve tona dhe e bën më të thatë dhe të çarë.

Këtë problem më së miri do ta zgjidhni nëse përdorni ndonjë nga maskat të cilat i keni bërë vetë.

Ne ju rekomandojmë disa receta të dobishme për pilingë dhe maska natyrale shtëpiake.

 Piling nga qulli i tërshërës

Përbërësit:

– 2 lugë thërrmija të bluara tërshëre;
– një lugë e vogël mjaltë;
– pak ujë.

Përgatitja:

Përzieni përbërësit dhe lyeni duart. Lini 10 minuta dhe lani me ujë të ngrohtë. Ia vlen të përsëritet një herë në javë.

Vaji i kokosit

Përbërësit:

– vaj kokosi;
– doreza pambuku.

Përgatitja:

Para se të flini gjumë lyeni me vaj kokosi dhe sipër vishni dorezat e pambukta dhe flini gjumë.

Pasta nga lëngu i limonit

Përbërësit:

– lëng limoni;
– sodë bikarbonati,
– mjaltë.

Përgatitja:

Të tre përbërësit përzieni në përmasa të njëjta. Sasia e tyre varet nga madhësitë e duarve tuaja. Duart lyeni me pastë dhe lini 5 minuta. Pas kësaj kohe lani në ujë të ngrohtë.

Piling me vaj ulliri

Përbërësit:

– vaj ulliri,
– sheqer.

Përgatitja:

Përzieni sasi të njëjtë të vajit dhe të sheqerit. Bëni piling të butë duarve dhe pas 5 minutave lani me ujë të ngrohtë. Qitni krem të lehtë hidrant. Përsëriteni procedurën më së shumti dy herë në javë.

Mjalti

Përbërësit:

– mjaltë.

Përgatitja:

Fërkoni mjaltin në duar dhe pas 10 minutave shpëlani me ujë të vakët. Ia vlen të përsëritet dy herë në ditë.

Pastë nga banania

Përbërësit:

– 1 banane e pjekur.

Përgatitja:

Bananen e pjekur përzieni, bëni pastë dhe qiteni në duar 30 minuta. Pas kësaj kohe lani me ujë të vakët dhe qitni krem hidrant.

Qumësht

Përbërësit:

– Qumësht me përmbajtje të lartë yndyre.

Përgatitja:

Nxehni ngadalë qumështin dhe qiten në një enë të thellë. Njomni duart dhe mbani në qumësht derisa të ftohet qumështi. Butësisht shkundni dorën dhe qitni krem hidrant.

Maska nga mjalti dhe avokadoja

Përbërësit:

– ½ avokadoje e pjekur;
– 1 lugë mjaltë.

Përgatitja:

Thërrmojeni avokadon dhe përzieni me mjaltë. Futni duart dhe pas 10 minutave lani me ujë të ftohtë.

Aloe vera

Përbërësit:

– 1 fletë aloe vere.

Përgatitja:

Shtrydhni fletën e aloe verës, merrni xhel nga fleta dhe bëni masazh duarve. Pas 10-15 minutave lani me ujë të vakët.

Jogurt natyral

Përbërësit:

– një lugë jogurt natyral.

Përgatitja:

Në duar qitni jogurt dhe bëni masazh 5 minuta. Pastaj produktin e masazhuar të qumështit lëreni 10 minuta të qëndrojë dhe lani duart me ujë të ngrohtë. Ia vlen të përsëritet çdo ditë.

Shfaq komentet
comments powered by Disqus
Sot mund të lexoni Shfletoni kopertinat