“Lufta” ndaj Huawei, Çekia e përjashton nga tenderat

Mobile

“Lufta” ndaj Huawei, Çekia e përjashton nga tenderat

Më: 30 janar 2019 Në ora: 16:11
Ilustrim

Autoritetet çeke kanë përjashtuar kompaninë kineze Huawei nga tenderi me vlerë 20 milionë euro, që ka për qëllim krijimin e një portali online në lidhje me taksat, të kërkuar nga Ministria çeke e Ekonomisë.

Përjashtimi i kompanisë u pasqyrua këtë mëngjes nga gazeta çeke ”MF Dnes” dhe vjen pas një paralajmërimi të lëshuar nga Zyra Kombëtare e Sigurisë së Informacionit (NUKIB).

Sipas dokumentacionit online, Ministria e Ekonomisë ka modifikuar tenderin për ndërtimin e lokacionit, i cili do të mbledhë të dhëna të ndjeshme të qytetarëve.

Ndryshimi përjashton në mënyrë efektive garën e Huawei-t, e cila sipas gazetës do të ishte kompania më e favorizuar.

Zyra e Sigurisë së Informacionit në dhjetor të vitit të kaluar paralajmëroi operatorët e rrjetit të vendit për përdorimin e pajisjeve dhe softuerit Huawei, për shkak të rreziqeve të sigurisë kibernetike.

commentFirst article
Sot mund të lexoni Shfletoni kopertinat