Asistenti Siri i Apple dëgjon bisedat e përdoruesve - Bota Sot
Asistenti Siri i Apple dëgjon bisedat e përdoruesve

Mobile

Asistenti Siri i Apple dëgjon bisedat e përdoruesve

Më: 31 korrik 2019 Në ora: 07:32
Foto

Edhe asistenti i “Apple”, “Siri”, dëgjon bisedat, njofton “The Guardian” sipas informacioneve të marra nga një punonjës i një kompanie që punon për “Apple”.Sipas këtij burimi shumë dialogje mes përdoruesve dëgjohen nga kompanitë kontraktuese për të bërë një vlerësim të shërbimit dhe për të bërë përmirësime të mëtejshme.

“Në veçanti, kontraktuesit kanë detyrën që të klasifikojnë përgjigjet bazuar në një seri faktorësh, përfshirë edhe nëse aktivizimi i asistentit zanor ka qenë e qëllimshme ose jo, nëse pyetja ishte diçka për të cilën Siri mund të kishte ndihmuar dhe nëse përgjigja e Sirit ishte e duhura”, shpjegon gazeta britanike.

“Një pjesë e vogël e kërkesave ndaj Sirit analizohen për të përmirësuar asistentin dhe diktimin. Por kërkesat e përdoruesve nuk janë të lidhura me ID të Apple. Përgjigjet nga Siri analizohen në struktura të sigurta dhe të gjithë analizuesit kanë detyrimin që t’i nënshtrohen kërkesave të forta të sigurisë së Apple”, shpjegon gjiganti amerikan për “The Guardian”.

Ky njoftim vjen pas atyre të muajve të kaluar që kanë të bëjnë me konkurrentët e Sirit. Edhe “Amazon” dhe “Google” për asistentët e tyre virtualë, përdorin personel njerëzor për të monitoruar cilësinë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...