Huawei 30/ Njihuni me telefonin e parë pa Google - Bota Sot
Huawei 30/ Njihuni me telefonin e parë pa Google

Mobile

Huawei 30/ Njihuni me telefonin e parë pa Google

Më: 20 shtator 2019 Në ora: 06:24
Huawei 30

Kompania kineze “Huawei” prezantoi telefonin e ri Mate 30 në Mynih të Gjermanisë, i pari pa aplikacionet e “Google”.

Kjo është pajisja më e re e kësaj kompanie, që kur Shtetet e Bashkuara e përfshinë në listë të zezë, në muajin maj. Uashingtoni ndaloi kompanitë amerikane të furnizojnë Huawein, duke pretenduar se firma kineze është një rrezik për sigurinë kombëtare, pasi pajisjet e saj mund të përdoren nga Pekini për të spiunuar, gjë që Huawei e ka mohuar vazhdimisht.

Prodhuesi i dytë më i madh në botë i telefonave smart përllogarit, që masa e marrë nga shba, ti kushtojë rreth 10 miliardë dollarë.

Lancimi i telefonit më të ri të Huaweit është shoqëruar me pasiguri nga ana e blerësve, për shkak të pamundësisë që ata të përdorin aplikacione të mbështetura nga kompania amerikane “Google”.

Telefonat smart nuk do të jenë në gjendje të shfrytëzojnë shërbimet e Google Mobile për të përdorur Play Store, dhe për të shkarkuar aplikacione si “Gmail”, “Youtube” ose “Maps”. Në vend të kësaj, Huawei do të ofrojë ndërfaqen e vet që do t’i lejojë përdoruesit të hyjnë në disa aplikacione të Google.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...