Smartfoni i parë Apex, që është lansuar nga Vivo para dy vitesh, u bë telefoni i parë funksional që nuk kishte korniza, ndërsa kamera për selfie i palosej brenda.
Megjithëse mbeti vetëm një koncept, shumë prodhues provuan ta imitojnë dhe secili prej tyre, arriti që të krijonte një telefon të ngjashëm.
Tashmë është bërë hera e dytë, që Vivo provon ta sjellë një Apex me ekran të plotë dhe pa korniza, si dhe pa butona, me të gjitha funksionet digjitale.
Në versionin e fundit, Vivo i ka shtyer limitet edhe më tej, pasi e sjellë me ekran 6.45 inç, që thyhet në 120 shkallë në të dy anët – version shumë më ekstrem se sa Nex 3. Por, sikurse te Nex 3, butonat janë zëvendësuar me sensor që punojnë me presion.
Kamera me 16 megapixel e këtij smartfoni, është një gjë tjetër që e dallon prej të tjerave, pasi e ka fokusin optik me 7.5X, që xhiron gjatë gjithë kohës duke marrë pamje në figurave statike dhe atyre në lëvizje. Gjë që i mundëson kamerës, të thellojë përqendrimin dhe të rritë fokusin në të njëjtën kohë.
Fokusimi i smartfonit, është bërë nëpërmjet një pjesë në formë të periskopit, që është parë te Vivo dhe Oppo, ndërsa nuk është bërë e ditur se si funksionon.
