Në mesin e disa produkteve që prezantoi të Martën e datës 15 Shtator, Apple zbuloi se iOS 14 zyrtarisht do të mbërrinte tek iPhone një ditë më pas.
Duke filluar nga dita e sotme përdoruesit e iPhone do të mund të instalojnë versionin më të fundit të sistemit operativ i cili u prezantua për herë të parë në Qershor në Konferencën WWDC.
iOS 14 sjell një mori veçorish të reja ku më spikaturat janë App Clips dhe App Library. Si me çdo përditësim tjetër iOS, të gjithë ju që keni një model të vjetër të iPhone jeni duke menduar nëse do të jetë i disponueshëm për ju.
Kur Apple zbuloi iOS 13 vitin e kaluar tha se do të funksiononte nga iPhone 6S, iPhone SE 2016 deri tek modelet e fundit.
Këtë vit iPhone 6S nuk duhej të ishte në listë por ja që Apple e ka përfshirë së bashku me iPhone SE.
Kjo është lista zyrtare e iPhone, iPad dhe iPod që do të marrin iOS 14:
iPhone 11, 11 Pro, 11 Pro Max
iPhone XS, XS Max
iPhone XR
iPhone X
iPhone 8, 8 Plus
iPhone 7, 7 Plus
iPhone 6S, 6S Plus
iPhone SE 2016, 2020
iPod Touch 7
iPad Pro 12.9-inç
iPad Pro 11-inç
iPad Pro 10.5-inç
iPad Pro 9.7-inç
iPad 6
iPad 5
iPad Mini 5
iPad Mini 4
iPad Air 3
iPad Air 2.
