Huawei ka postuar në Twitter se do të zbulojë serinë e re të Mate 40 në 22 tetor. Gjasat janë që ky do të jetë telefoni i fundit i cili do të vijë me procesorin Kirin – të paktën për të ardhmen e afërt – për shkak të presionit të vazhdueshëm ekonomik nga SH.B.A.
Richard Yu, CEO i njësisë së biznesit të konsumatorëve të Huawei, tha në një konferencë në 7 gusht se “ky vit mund të jetë gjenerata e fundit e procesorëve Huawei Kirin”.
SHBA e ka akuzuar Huawei për krijimin e ‘dyerve të pasme’ në infrastrukturën e rrjetit të saj, gjoja për të ndihmuar përpjekjet e spiunimit të qeverisë kineze. Huawei ka mohuar akuzat e administratës Trump për spiunim.
Por administrata Trump vendosi Huawei dhe 114 bashkëpunëtorët e saj në Listën e saj të Entiteteve në maj 2019, që do të thoshte që firmat amerikane nuk mund t’i shesin teknologji kompanisë kineze pa miratimin e qartë të qeverisë amerikane.
Kjo gjithashtu nënkuptonte që Google u ndalua të bënte biznes me Huawei, duke parandaluar Huawei nga marrja e një licence të Android dhe mbajtjen e aplikacioneve të Google në pajisjet Huawei.
Në maj, Departamenti i Tregtisë i SHBA lëshoi një rregull të ndryshuar të eksportit për të bllokuar dërgesat e gjysmëpërçuesve në Huawei.
Ende nuk duhet kur do të shfaqen pajisjet e reja të kompanisë, përkatësisht Mate 40, por thashethemet sugjerojnë që Huawei do të prezantojë edicionet e reja të Mate 40 dhe Mate 40 Pro së shpejti.
Mate 40 Pro pritet të ketë një ekran 6.7-inç, me Mate 40 që vjen në 6.5 inç. Android Authority thotë se pajisjet mund të kenë çmim midis 1,200 dhe 1,300 €.
