Telefonat e Samsungut nuk ngadalësohen me bateritë e vjetra - Bota Sot
Telefonat e Samsungut nuk ngadalësohen me bateritë e vjetra

Mobile

Telefonat e Samsungut nuk ngadalësohen me bateritë e vjetra

Më: 30 dhjetor 2017 Në ora: 22:13
Ilustrim

Pas ankesave të shumta nga përdoruesit se iPhonët e vjetër me bateritë me kapacitet të ulët ishin duke u ngadalësuar gjatë punës, Apple zyrtarisht ka konfirmuar se qëllimisht ngadalësonte telefonat e vjetër me degradimin e baterive pas një periudhe kohore.

Shumica e njerëzve janë duke pyetur nëse edhe prodhuesit e tjerë të smartfonëve kanë vepruar njëjtë. Gjiganti i teknologjisë, Samsung, ka konfirmuar se smartfonët e saj nuk ngadalësohen me bateritë e vjetra.

Samsung, kategorikisht ka thënë se nuk dobësohet performanca e procesorëve përmes përditësimit të softuerit gjatë ciklit jetësor të smartfonit. Ajo ka lëshuar një deklaratë për shtyp, në të cilin thuhet:

“Cilësia e produktit ka qenë dhe do të jetë gjithmonë prioriteti kryesor i Samsung Mobile. Ne ju sigurojmë jetëgjatësi të gjatë të baterisë së pajisjeve mobile të Samsungut përmes masave shumë-shtresore të sigurisë, të cilat përfshijnë algoritmet e softuerit që rregullojnë karikimin aktual të baterisë dhe kohën e karikimit të baterisë. Ne nuk e dobësojmë performancën e procesorit përmes përditësimeve të softuerit gjatë ciklit jetësor të telefonit.

Më të lexuarat
Sot mund të lexoni Shfletoni kopertinat
Sondazh
test
Tjera