Industria e muzikës botërore fitoi 19.1 miliardë dollarë në 2018, shuma më e madhe që nga viti 2006, njofton Federata Ndërkombëtare e Industrive Fonografike (IFPI).
Të ardhurat e botuesve të muzikës vitin e kaluar u rritën 9.7 për qind nga të ardhurat më të larta të regjistruara në 2006 dhe kjo ngritje vjen kryesisht për shkak të rritjes së fortë të të ardhurave nga transmetimi i muzikës digjitale, i ashtuquajturi streaming, i cili tani përbën pothuajse gjysmën e fitimeve nga muzika e regjistruar, transmeton KosovaPress .
Shitja e muzikës digjitale, albumeve dhe singleve është në rënie, ndërsa në të njëjtën kohë transportuesit fizikë të muzikës vazhdojnë të gjenerojnë rreth një të katërtën e të ardhurave.
Tregu më i madh në botë është SHBA, e ndjekur nga Japonia, Britania e Madhe, Gjermania, Franca, Koreja e Jugut, Kina, Australia, Kanadaja dhe Brazili.
