Kompozitori dhe këngëtari Armando Manzanero vdes në moshën 85 vjeçare nga COVID-19

Muzikë

Kompozitori dhe këngëtari Armando Manzanero vdes në moshën 85 vjeçare nga COVID-19

Më: 29 dhjetor 2020 Në ora: 10:47
Armando Manzanero

Muzikanti i njohur Armando Manzanero, ka vdekur në moshën 85 vjeçare.

Lajmi për vdekjen e tij u konfirmua nga Sociedad de Autores y Compositores de Mexico (Shoqëria e Autorëve dhe Kompozitorëve të Meksikës), në të cilën artisti shërbeu si president.

“E gjithë bota është në zi. Mjeshtri i madh është larguar nga kjo jetë”, ka thënë organizata në një deklaratë të bërë në Twitter.

“Ai ishte një nga artistët më të mirë të kohë, kreatori i muzikës më të mirë në botë”.

Shoqata po ashtu premtoi se do mbahet mend për kontributin e dhënë përgjatë viteve dhe karrierën e bujshme profesionale.

“Shihemi së shpejti, vëlla i dashur”, përfundon deklarata.

Sipas Billboard, mediat e shumta raportuan se shkaku i vdekjes së Manzanero ishte infektimi me coronavirus. I njëjti u raportua se rezultoi pozitiv me COVID-19 më 17 dhjetor.

Armando njihet më shumë për hitet: “Contigo Aprendí”, “Adoro” dhe “Esta Tarde Vi Llover”. 

Shfaq komentet
comments powered by Disqus
Sot mund të lexoni Shfletoni kopertinat