Të jesh i suksesshëm që në moshë të hershme të fëmijërisë dhe të arrish suksese të konsiderueshme, është gjë me vlerë dhe për t’u mburrur.
Artisti i talentuar si Erik Grainca, sukseset i ka përjetuar që në moshën 8 vjeçare dhe deri më tani në skenën muzikore për fëmijë ka shënuar suksese të shumta.
Eriku deri më tani ka realizuar 8 këngë, kurse është dalluar edhe me pjesëmarrjen në festivale të ndryshme të muzikës për fëmijë, ku edhe ka arritur të fitojë çmime të shumta, duke u vlerësuar si një nga talentët më të mëdhenj të muzikës shqiptare.
Kurse si një nga të arriturat më të mëdha të djaloshit 13 vjeçar nga Ferizaj, konsiderohet pjesëmarrja në edicionin e parë të Festivalit “Sidorela Fest”, me ç’rast Eriku ka fituar çmimin e parë të festivalit si dhe çmimin e publikut.