Me muzikë jazz edhe tekste të këngëve të vjetra austriake dhe gjermane për pijanecët, fermerët, ushtarët dhe sidomos për dashurinë bën për vete mbrëmjen e djeshme publikun kryeqytetas. Dy grupet që interpretuan në Festivalin Ndërkombëtar të Jazz-it ishin grupi austriak edhe multi-artisti izraelit. Pianisti Gent Rushi edhe kompozitori Mike Del Ferro bën hapjen e festivalit.
Jam shumë i kënaqur që kthehem sërish në këtë festival shumë të bukur, për herë të tretë, që bëhet në Shqipëri me muzikë nga e gjithë bota
Mike del Ferro, pianist dhe kompozitor
Anëtarët e grupit Austriak ndalën tek përvoja e tyre në Shqipëri
Në fakt është pak surpizuese, që të luash muzikë për njerëz që e dëgjojnë për herë të parë. Ne e luajmë këtë muzikë se mendojmë se duhet ruajtur.
Bryan Benner - mandolinë, vokal, kitarë
Përsa i përket teksteve ato janë ruajtur. U përmbahen shumë teksteve origjinale austriake edhe gjermane. Ne kemi bërë punë kërkimore ose i kemi mësuar nga gjyshet”
Raphael Widmann - violinë, vokal
Shqipëria më duket shumë e bukur, më vjen shumë keq që jemi shumë pak këtu, na pëlqen vendi edhe ushqimi. Është bukur do të vijmë sërish patjetër”.
David Stellner - kitarë, vokal
Ky është edicioni i shtatë i Festivalit Ndërkombëtar të Jazz-it. Në të prezantohen dhjetë grupe muzikore nga Europa dhe ShBA. Festivali vazhdon deri në datë 28 korrik. Hyrja është e lirë.
