Saharaja ndryshon rrënjësisht pamje çdo 20 mijë vjet. Nga shkretëtirë në njërin cikël, transformohet në hapësirë pafund të gjelbër e anasjelltas. Ky konkluzion mbërrin pas analizimit të depozitimeve të pluhurave, që ka bërë të mundur zbardhjen e historisë së klimës në të paktën 240 mijë vitet e fundit. Arsyeja që fshihet pas këtyre fenomeneve ciklike mendohet të jenë ndryshimet e pjerrësisë së aksit tokësor, që periodikisht modifikon mënyrën e shpërndarjes së rrezeve të Diellit mbi planetin tonë.
Studimi është realizuar nga kërkuesit e universitetit më të mirë në botë të teknologjisë e shkencave MIT dhe është publikuar në revistën Science Advances.
Zbulimi është i rëndësishëm, pasi ndihmon për të kuptuar historinë e kësaj shkretëtire, madje edhe kohën kur ka qenë mikpritëse për njeriun.
Nga kërkimet dhe provat e gjetura ndër vite, rezulton se në periudhat më të hershme, ka qenë e populluar nga njeriu, duke përforcuar edhe konkluzionin e fundit mbi jetën ciklike të kësaj zonë të thatë e të ashpër të planetit.
