Dubai, aty ku edhe luksi evoluon, risitë e jahteve

Ndryshe

Dubai, aty ku edhe luksi evoluon, risitë e jahteve

Më: 11 mars 2019 Në ora: 20:15
Foto

“Pronarëve të rinj sot iu intereson më tepër përvoja që do të fitojnë, sesa objekti në vetvete”, i tha CNN-it, Rainer Behne, president i firmës konsultuese “BehneMar Yachting”.

“Ky nuk është një brez që kërkon vetëm të blejë, është një brez që synon të eksplorojë botën atje jashtë, e të shohë se çfarë mund të gjejë”, shton ai.

E me këtë në mendje, prodhuesit e anijeve luksoze kanë krijuar “superjahtin eksplorues”, me motor më rezistent, panele diellore për energji shtesë dhe një trup hibrid të mjetit lundrues, që i reziston çdo lloj stuhie.

Rritja e kërkesës për anijet luksoze të distancave të gjata dhe më të qëndrueshme po e shtyn këtë industri drejt “ujërave të reja”.

“Njerëzit po i hedhin sytë nga anijet për të imituar atë që shohin në vende të tjera – thotë Behne, – dhe duan inovacion, teknologji, qëndrueshmëri, si dhe të gjitha llojet e materialeve të reja”.

Në “Dubai International Boat Show” të vitit 2019, ngjarja më e madhe e këtij lloji në gjirin Persik, ishte rasti ideal për të shpalosur risitë. Mbi 400 anije u prezantuan aty, e ajo që ra më shumë në sy ishte padyshim superjahti “Esquel” i kompanisë holandeze “Oceanco”.
 

Image
Image
Image
commentFirst article
Sot mund të lexoni Shfletoni kopertinat