Futbollistët janë shpesh të fiksuar pas lojërave elektronike, por ka edhe nga ata që e teprojnë. Historia e rradhës vjen nga Anglia. “The Sun” bën të ditur se një futbollist që luan në Championship, Kategoria e Dytë angleze pas Premier Ligës, ka arritur deri aty sa të ndahet nga e dashura për shkak se ishte i fiksuar me lojën “Fortnite”.
“Kam luajtur 8-10 orë në ditë. Madje, njëherë kam luajtur 16 orë përpara ndeshjes. Isha i fiksuar me këtë lojë dhe kam humbur dhe stërvitjen. Kur shkoj në shtëpi është gjëja e parë që bëj. Ka pasur ndikim në jetën time, aq sa jam ndarë dhe me të dashurën”, zbulon futbollisti. Identiteti i tij nuk bëhet i ditur, por e sigurt është se kjo lojë i ka shkatërruar vërtetë përditëshmërinë lojtarit.
