“Njeriu elefant” shpëton nga tumori me peshë rreth 3 kg

Ndryshe

“Njeriu elefant” shpëton nga tumori me peshë rreth 3 kg

Më: 12 qershor 2019 Në ora: 13:37
Foto ilustrim

Një burrë nga Paraguai me një çrregullim të rrallë të "njeriut elefant" kishte tumor me peshë rreth 3 kilogramë, të cilin e hoqi në një operacion shpëtimi.

Enrique Galvan, 27-vjeç, u lind me një sëmundje gjenetike të njohur si neurofibromatosis, e cila shkakton tumore të mëdha, beninje që rriten në indet nervore.

Ai kishte pësuar disa operacione në qytetin e tij Asuncion, por nuk kishte shumë sukses.

Por vitin e kaluar, ai u takua me mjekët nga Universiteti i Kalifornisë, Qendra Mjekësore Irvine, të cilët punonin me një OJQ në Paraguai.

Pas mësimit të rastit të tij, mjekët i shtynë administratorët e spitalit të binin dakord të merrnin Galvanin si një pacient në mënyrë që ta çonin në SHBA, për t’iu nënshtruar operacionit.

Neurofibromatosis është një sëmundje e rrallë gjenetike që shkakton tumor në indet nervore.

Ajo shkaktohet nga mutacionet në gjenin NF1. Përveç tumoreve të dukshme, personat mund të kenë komplikime përfshirë humbjen e dëgjimit dhe shikimit, si dhe problemet kardiovaskulare.

Çrregullimi ndodh në rreth një në 3.000 deri në 4.000 njerëz në mbarë botën, sipas instituteve kombëtare të shëndetit, transmeton KosovaPress.

Nuk ka kurë për sëmundjen, por mjekët mund të monitorojnë dhe të heqin tumorin përmes operimit nëse është e mundur.  

commentFirst article
Sot mund të lexoni Shfletoni kopertinat