Një qen i plagosur eci për 125 milje nëpër pyjet ruse, të mbushura me arinj dhe ujqër, për ta kërkuar me dëshpërim pronarin që e refuzoi atë.
Maru, një qen Bullmastiff një vjeçar, u dëbua nga shtëpia e një pronari që pretendonte se ishte alergjik ndaj qenve, raporton Daily Mail, transmeton Bota sot.
Qenin e kishte vendosur në një tren i cili ishte drejtuar në perëndim të Nobosibirskit, mirëpo Maru ishte besnik ndaj pronarit dhe vendit të tij. Ai u arratis nga një stacion i largët, për të marrë udhën e kthimit në shtëpi.
Në qytetin Novosbirsk u organizuan kërkime për gjetjen e Marus, madje çështja u bë e madhe edhe në rrjetet sociale. Të gjithë ishin në kërkim të tij.
Për çudi, pas dy ditë e gjysmë, qeni i lodhur dhe i plagosur u gjet në një vend industrial pranë shtëpisë së pronarit që e kishte refuzuar atë.
Qeni kishte ndjekur me kujdes trasenë hekurudhore trans-siberiane, më të gjatën në botë.
Putrat e thyera dhe lotët në sy i shiheshin qenit.
Stafi i trenit rrëfyen se qeni kishte pësuar sulm paniku dhe ishte frikësuar të largohej nga pronari dhe shtëpia. Qeni shkoi në rrugën e duhur edhe pse gjeografikisht nuk kishte pika referimi. Tani po trajtohet për t’u kthyer në gjendjen normale shëndetësore dhe më pas do të vendoset për fatin e tij. /Bota sot/
