Selfimania vret pesë herë më shumë njerëz në vit se sulmet e peshkaqenëve - Bota Sot
Selfimania vret pesë herë më shumë njerëz në vit se sulmet e peshkaqenëve

Ndryshe

Selfimania vret pesë herë më shumë njerëz në vit se sulmet e peshkaqenëve

Më: 25 korrik 2019 Në ora: 15:16
Foto ilustrim

Për t’u dukur sa më bukur, shumë përdorues të telefonisë mobile nuk i shikojnë rreziqet në mjedisin në të cilin ndodhen, kur ata bëjnë një "paraqitje" për të marrë fotografi, kështu që selfitë shpesh kanë përfundim fatal.

Në një përpjekje për të marrë një "foto" të mirë për Instagram ose Facebook, në mes të tetorit 2011 dhe nëntorit 2017, të paktën 259 njerëz humbën jetën, sipas një studimi të revistës së ekspertëve nga India, Journal of Family Medicine and Primary Care.

Pesë herë më shumë njerëz kanë vdekur gjatë "vetë-sakrificës"  viteve të fundit sesa kanë humbur jetën në sulmin e peshkaqenëve, sipas mediave austriake. Në të njëjtën periudhë, 50 persona humbën jetën në sulmet e peshkaqenëve, transmeton KosovaPress.

Edhe pse femrat bëjnë mesatarisht më shumë selfi, ka më shumë meshkuj në mesin e të vdekurve, dhe ata janë tre të katërtat e të vdekurve. Në krye të statistikave për numrin e vdekjeve është India, ku 159 njerëz humbën jetën gjatë përpjekjeve për selfi.

Shumica e viktimave janë të rinjtë. Disa prej tyre vdiqën gjatë përpjekjeve për të fotografuar veten në binarët e trenave. Për shkak të këtyre të dhënave, autoritetet indiane kanë krijuar zona në të cilat ndalohen selfit dhe vetëm 16 zona të tilla ndodhen në Mumbai.

Rusia renditet e dyta me 16 viktima, pasuar nga SHBA me 14, derisa raste të ngjashme ka pasur edhe në Kroaci, ku një turist kanadez në liqenet e Plitvices ra nga një lartës prej 75 metrash. Duket e pabesueshme, por ai pati shumë fat dhe i mbijetoi rënies.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...