Policia austriake në Tirol po kërkon një hajdut misterioz, i cili ka vjedhur zilet nga lopët me javë të tëra ndërsa kullosnin në Alpe.
Autoritetet po hetojnë motivet e vjedhjes së zileve, pasi ato "kanë kryesisht vlerë vetëm sentimentale për bagëtitë," tha sot Bernhart Gruber, zëdhënës i policisë.
Kjo është vjedhja e parë e këtij lloji në Tirol. Vlera e dhjetë zileve të vjedhura deri më tani vlerësohet rreth 500 euro.
Shtatë zilet u vodhën vikendin e kaluar nga lopët që kullosin në më shumë se 1.000 metra mbi nivelin e detit, dhe tri zile tjera u vodhën në fillim të gushtit në një kullotë tjetër.
