Vdes miliarderi suedez i Tetra Pak-ut, Hans Rausing - Bota Sot
Vdes miliarderi suedez i Tetra Pak-ut, Hans Rausing

Ndryshe

Vdes miliarderi suedez i Tetra Pak-ut, Hans Rausing

Më: 31 gusht 2019 Në ora: 09:21
Hans Rausing

Miliarderi Hans Rausing, ish-shefi suedez i kompanisë së njohur botërore për paketimin e ushqimit, Tetra Pak, ka vdekur në moshën 93 vjeçare.

Ai ishte djali i themeluesit të kompanisë, Ruben Rausing. Hansi e udhëhoqi këtë kompani të suksesshme nga viti 1950 deri më 1995, kur ia shiti aksionet vëllait të tij.

Rausing ishte i njohur për shumën e madhe të parave që e dhuronte për bamirësi në Suedi dhe në Britani të Madhe.

Sipas revistës “Forbes”, pasuria e familjes Rausing është rreth 12 miliardë dollarë, duke e bërë atë një ndër familjet më të pasura në Britani të Madhe.

Babai i Hansit, Rubeni, e themeloi kompaninë “Tetra Pak” në Suedi më 1944. Kompania njihet për revolucion në tregtinë botërore të paketimit të ushqimit.

Në vitet e tetëdhjeta, vëllezërit Rausing u zhvendosën nga Suedia në Britani të Madhe për t’iu shmangur taksave më të larta në atdheun e tyre dhe shpejt u bënë ndër njerëzit më të pasur në Mbretërinë e Bashkuar, shkruan “BBC”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...