Një burrë nga India u diagnostikua me një infeksion të sifilizit në trurin e tij pasi shkoi në spital në pamundësi për të ecur apo folur siç duhet.
Gjendja kërcënuese për jetën, e njohur si neurosfiliz, mund të ndodhë kur sifilizi i transmetuar seksualisht mbetet i pa trajtuar për një kohë të gjatë.
Mund të zgjasë diku midis tre javësh deri në 50 vjet që infeksioni të arrijë në tru dhe sistemin nervor qendror.
Burri, identiteti i të cilit nuk dihet, mohoi të ketë seks të pambrojtur ose të ishte diagnostikuar ndonjëherë me sifiliz.
Në tre muaj para se të shkonte në spital ai kishte humbur koordinimin e tij dhe kishte dridhje dhe lëvizje të pakontrolluara të syve.
Një skanim zbuloi se truri i tij po shpërbëhej dhe testi i vetëm që u kthye pozitiv ishte ai për neurozifilizin jashtëzakonisht të rrallë.
Burrit iu dha antibiotikë për dy javë dhe fizioterapi, dhe tre muaj më vonë ai e kishte marrë veten.
Neurosifilizi është një sëmundje e trurit dhe palcës kurrizore dhe ka simptoma të ndryshme ndaj sifilizit, sëmundja seksualisht e transmetuar.
Mund të ndodhë te njerëzit me sifiliz, veçanërisht nëse ato lihen pa trajtuar.
Neurosifilizi është i ndryshëm nga sifilizi pasi ndikon në sistemin nervor, ndërsa sifilizi është një sëmundje seksualisht e transmetuar me shenja dhe simptoma të ndryshme.
