Ka qenë duke filmuar një garë çiklizmi, por një helikopter në Spanjë padashur i ka ardhur në ndihmë dhe Policisë, sepse falë xhirimeve të tij nga ajri është pikasur një plantacion i pazakontë marijuane.
Lënda narkotike ishte kultivuar në tarracën e një pallati te qytetit katalanas Igualada.
Efektivët e Mossos d’Esquadra kanë reaguar menjëherë pas kësaj, duke bastisur godinën e konfiskuar rreth 40 bimë hashashi të cilat shiheshin qartë në filmimet e bëra në kohën kur faza e tetë e garës, po shkonte drejt fundit.
? ? El helicóptero de #LaVuelta19 descubre una plantación de marihuana en una azotea. pic.twitter.com/Zhry3x1rng
— AUGC Guardia Civil (@AUGC_Comunica) September 3, 2019
Pavarësisht bujës që pati kjo ngjarje në mediat vendase e ato ndërkombëtare, deri tani nuk ka pasur asnjë të arrestuar; kur mbërritën në plantacion, policët e gjetën atë të braktisur.
Personat përgjegjës duket ishin larguar me nxitim. Guardia Civil i postoi më vonë në mediat sociale pamjet e realizuara nga ajri.
Kultivimi masiv i marijuanës mbetet i paligjshëm në Spanjë, megjithëse konsumi i kësaj lënde narkotike atje, është dekriminalizuar.
