Sonte, mbajeni një sy hapur dhe mësoni ç’duhet të bëni natën e Hënës së Plotë - Bota Sot
Sonte, mbajeni një sy hapur dhe mësoni ç’duhet të bëni natën e Hënës së Plotë

Ndryshe

Sonte, mbajeni një sy hapur dhe mësoni ç’duhet të bëni natën e Hënës së Plotë

Më: 14 shtator 2019 Në ora: 06:39
Ilustrim

Hëna, vetëm një herë në muaj ia tregon fytyrën e vërtetë Tokës. Në fakt, e njëjta faqe ë Hënës është përballë planetit tonë, kështu që ajo nuk shfaqet asnjëherë plotësisht e plotë. Vetëm kur Hëna, Dielli dhe Toka janë në vijë të drejtë, atëherë Hëna është 100 për qind e plotë dhe ky është rasti i eklipsit hënor.

Hëna e plotë, zakonisht sjell për njerëzit një energji negative. Për shumë mund të jetë nxitje e zemërimit, nervozizmit, stresit apo kaosit gjatë ditës. Ajo mund të shkaktojë lodhje apo edhe probleme të tjera fizike. Ndoshta të gjithë e keni vënë re këtë shpërqendrim të gjendjes fizike dhe emocionale pa e kuptuar që efekti është pikërisht nga Hëna e Plotë.

Çfarë duhet të bësh kur është Hëna e Plotë?

Shumë njerëz nuk e dinë që energjia e saj zgjat gjithsej 5 ditë; 2 ditë para, 2 ditë pas dhe gjatë gjithë ditës kur është Hëna e Plotë.

Hëna e plotë e natës së sotme, e cila njihet edhe si Hëna e Korrjeve, ndryshon nga hënat e tjera të plota, sepse, zakonisht, gjatë gjithë vitit, Hëna del mesatarisht rreth 50 minuta më vonë çdo ditë. Por pranë ekuinoksit vjeshtor, ndryshimi është vetëm 30 minuta.

Për më tepër, Hëna e Korrjeve del gjatë perëndimit të diellit dhe më pas shfaqet shumë afër muzgut për disa net me radhë, sepse ndryshimi është në minimumin vjetor.

Ja çfarë duhet të bësh gjatë kohës që energjia e Hënës së Plotë të sulmon:

Përthithe dritën e Hënës

E dije se lëkura është përthithëse e mirë e dritës së Hënës, ashtu siç është edhe për rrezet e Diellit? Po, është e vërtetë. Ashtu siç përthith rrezet e Diellit pa kursim, lëkura thith në të njëjtën mënyrë edhe dritën e Hënës. Ashtu si Dielli shpërndan vitaminën D, Hëna shpërndan energjinë e saj, e cila në natyrë të ndihmon të gjesh qetësi dhe të jep një masazh terapeutik. Në shumë hotele luksoze në botë, masazhet terapeutike bëhen nën dritën e Hënës, sepse trupi rikuperohet më shpejt.

Prit flokët

Mendohet se tërheqja satelitore e Tokës ka një fuqi mahnitëse, por ajo ka shumë pak ndikim në rritjen e organizmave në planetin tonë. Shumë njerëz besojnë se fuqia dhe energjia e Hënës është e jashtëzakonshme. Fermerët ndjekin lëvizjet e Hënës për të mbjellat e tyre. Zakonisht, kur është Hëna e Plotë, ata fillojnë ciklin e bimëve dhe jo vetëm ata. Edhe parukieret po e ndjekin këtë gjë. Nëse do që flokët t’i kesh më të fortë, më të shëndetshëm dhe të rriten më shpejt, atëherë priti kur Hëna është e Plotë.

Festo me zjarr të ndezur

Në Tajlandë, sa herë është Hëna e Plotë, njerëzit dalin jashtë dhe festojnë rreth e rrotull saj duke ndezur zjarr në natyrë. Ata besojnë se energjia që shpërndan Hëna është shumë e madhe dhe ka ndikim në jetën e tyre. Festat nën dritën e plotë të Hënës janë të zakonshme edhe në vende të tjera. Flokët lëshuar dhe argëtim deri në orët e para të mëngjesit. Ashtu si fazat e Hënës, edhe njeriu ka ditët e tij, me ulje-ngritje. Në fund të fundit, të gjithë janë pak të çmendur si Hëna.

Luaj me valët

Nën dritat e Hënës, serfistët në shumë vende luajnë me valët. Energjia e Hënës i bën valët më të larta, ndaj edhe në ditë të tilla, për serfistët është spektakël i vërtetë. Shumë konkurse zhvillohen në net të tilla. Ose thjesht mund të pish një koktej buzë detit me miq, shoqëruar edhe me ushqime deti.

Ngjitu në mal

Nëse një pjesë nga ju banojnë në zona malore, ku ka më mirë se Hëna e Plotë për të bërë një shëtitje në shpatet më të larta? Për djegien e kalorive, këshillohet një natë e tillë. Të gjithë sportistët që e kanë provuar, të bindin se rrezet e argjendta të Hënës dhe energjia e saj të japin energji për t’u ngjitur edhe më lart dhe të provosh një adrenalinë të jashtëzakonshme. Turistë nga e gjithë bota kërkojnë të vizitojnë terrene të larta malore, në mënyrë që të shijojnë dhe të marrin energjinë e Hënës së Plotë.

Ndrysho mobiliet në shtëpi

Ndërsa jeni mendërisht të ngarkuar nga emocionet e Hënës, astrologët rekomandojnë që ditët e Hënës së Plotë të ndryshoni mobilimin në shtëpi. Konsideroni një provë Feng Shui në hapësirën tuaj për të rritur hapësirat e shtëpisë.

Pastro trupin me ujë

"Pastroni trupin duke mbushur një vaskë me ujë me kripë ", thotë Theodora, astrologe. Gjatë Hënës së Plotë, mineralet qetësuese do të absorbohen në mënyrë optimale në trup. Bëni maksimumin për të përfituar nga kjo zhvendosje energjike dhe thithni energji të mirë nga vaska.

Fli nën dritën e Hënës

Duke shijuar bukuritë e natyrës, planifikoni një udhëtim në kamp, nën yje. Paketoni disa gjëra të vogla dhe ndizni zjarr. Notoni në mesnatë. Pastaj edhe argëtohuni duke shijuar dritën e plotë të Hënës.

Detoksiko trupin

"Pini shumë ujë", - thotë Theodora. "Hani perime dhe ushqime që përmbajnë sasi të lartë uji, si lakra." Ushqimet me shumë ujë ndihmojë trupin të detoksikohet dhe e bëjnë procesin e tretjes së ushqimeve shumë më të thjeshtë.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...