Mbretëresha Elizabeth është pa diskutim personazhi më emblematik i familjes mbretërore, duke u veçuar edhe për buzëqeshjen e saj.
Një figurë sa kontraversiale aq edhe e dashur për popullin britanik e jo vetëm, ndaj nuk është aspak habi që historianët e konsiderojnë si një nga figurat më të rëndësishme të monarkisë angleze.
Kohët e fundit është lakuar vazhdimisht në trekëndëshin e telenovelës mbretërore Harry-Meghan dhe pjesa tjetër e familjes, e megjithatë sovrania 93 vjeçare ia ka dalë mbanë që të mbrojë pjesëtarët e tjerë nga vala e thashethemeve, por edhe të sigurojë që gjërat po shkojnë mirë.
E shpeshherë këtë gjë e arrin edhe nëpërmjet buzëqeshjeje?
E duke u ndalur tek kjo e fundit, duhet thënë që mbretëresha ka një sekret për të pasur gjithmonë dhëmbë të shëndetshëm dhe një buzëqeshje rrëzëllitëse, të cilin ndryshe nga zakonishte e ka zbuluar vetë.
Gjatë vizitës së saj të fundit në “Royal National ENT & Eastman Dental Hospitals”, mbretëresha pati një bisedë të këndshme me një paciente të vogël, e cila e komplimentoi gjyshen e princave William dhe Harry për buzëqeshjen e saj.
Sipas burimeve të pranishme, Lartmadhëria e saj pranoi se nuk ishte çdo gjë meritë e kujdesit të vazhdueshëm oral, por edhe aparatit ortodontik që kishte përdorur që fëmijë.
“E kam vendosur kohë më parë, kur isha ende adoleshente. Fillimisht nuk e doja, pasi s’doja të kisha diçka të huaj në gojë, por mendoj se ia vlejti në fund”, janë disa prej fjalëve të cituara prej saj.
