Zhyten pas 15 vitesh pranë Titanikut, ekspertët trishtohen nga ajo çfarë gjejnë

Ndryshe

Zhyten pas 15 vitesh pranë Titanikut, ekspertët trishtohen nga ajo çfarë gjejnë

Më: 24 prill 2020 Në ora: 14:57
Titanik

Një ekip ndërkombëtar eksploruesish janë zhytur deri pranë rrënojave të Titanikut në oqeanin Atlantik.

Kjo ishte zhytja e parë në 15 vitet e fundit pranë anijes më të famshme në histori, por ekspertët janë trishtuar për faktin se aty kanë gjetur një strukturë e cila po zhduket me shpejtësi.

Një prej detajeve interesante që është zhdukur është edhe vaska e kapitenit, e fotografuar gjatë ekspeditës së 1996, por që tani nuk gjendet më.

“Titaniku po i kthehet natyrës”, thotë historani Parks Stephenson.

Ekspertët paralajmërojnë se pjesë të rëndësishme të anijes do të zhduken së shpejti.

Titanik u mbyt në vitin 1912 në ujërat e ftohtë të Atlantikut, ndërkohë që në bord kishte 2200 pasagjerë dhe personel.

Më shumë se 1500 njerëz gjetën vdekjen pasi anija u përplas me një ajsberg, 600km larg brigjeve të Kanadasë.

Anija kishte destinacion final Nju Jorkun.

commentFirst article
Sot mund të lexoni Shfletoni kopertinat