Kamerat e sigurisë kanë kapur momentin kur një djalë i ri për një “fije floku” i shpëton më të keqes, pasi një sasi e madhe e ujit bie nga lart dhe shemb tavanin e shtëpisë shumë afër tij.
Ai po luante në kompjuter, kur në një moment tavani i shtëpisë shembet nga sasia e madhe e ujit.
Copëzat e tavanit përfundojnë pak centimetra larg karriges ku ishte ulur djaloshi. Me të kuptuar se çfarë ndodh, familjarët e tij futen brenda për të parë se çfarë ndodhi.
Për fat të mirë askush nuk është lënduar në këtë incident, që ka ndodhur në Ben Tre të Vietnamit.
E ajo çfarë ua ka tërhequr më shumë vëmendjen përdoruesve të rrjeteve sociale – është reagimi i qenit i cili me sa duket e parandjeu shembjen e tavanit, duke u larguar para kohe.
