Një ngjarje e rrallë ka ndodhur në Indi. Një majmun i alkoolizuar ka vrarë një person dhe ka plagosur 250 të tjerë pasi u tërbua kur i mbaroi furnizimi me pije.
Majmuni i njohur me emrin Kalua ishte kafsha shtëpiake e një magjistari, i cili i jepte të pinte pije alkoolike. Kur pronari i tij vdiq, kafsha nuk kishte më për të pirë dhe nisi të dilte rrugëve i tërbuar.
Kalua sulmonte gratë, vajzat dhe fëmijët në veçanti, duke bërë që shumë prej tyre të kishin nevojë për ndërhyrje plastike, pasi majmuni i kafshonte në fytyrë. Një prej të plagosurve humbi jetën.
Sipas IANS, kafsha është kapur dhe do të mbahet përjetë i mbyllur në një kopsht zoologjik, larg majmunëve të tjerë.
