Shumë adoleshentë në shumicën e vendëve të botës nuk kanë mundur të organizojnë mbrëmjet e maturave.
Peyton Manker, 18 vjeçare nga ShBa, nuk ka pasur mundësinë të shkojë në mbrëmje, por fustanin e ka të gatshëm.
Adoleshentja ka vendosur që të ndryshojë dizajnin e fustanit duke vizatuar disa figura që lidhen me ngjarjet e fundit, pra me virusin korona, shkruan “Daily Mail”. Ajo ka vizatuar mjekët, persona të ndryshëm me maska dhe gjëra të tjera.
“Ne mund të kemi diçka pozitive nga kjo eksperiencë, dhe fustani im është një shembull”, ka thënë Manker, transmeton “Bota Sot”.
Përveç fustani, 18 vjeçarja ka bërë edhe aksesorët në formë të virusit.
