Një grua ka zbuluar se si takimet me të moshuarit ia mundësuan asaj të paguante borxhet studentore përgjatë periudhës së izolimit në kohë të pandemisë.
Billie Lade, 24-vjeçare nga Kalifornia, vazhdimisht del në takime dashurie me burra të pasur, të cilët nëpërmjet mbështetjes financiare që i ofrojnë i lejojnë asaj ta bëjë një jetë të rehatshme, shkruan tabloidi britanik Daily Mail, transmeton "Bota sot".
Lade, e cila punon me orar të plotë si mësuese speciale e edukimit, ka përdorur burrat e moshuar për të paguar borxhin studentor prej gati 8 mijë eurosh, si dhe për pagesën e vakteve të shtrenjta ushqimore e aktiviteteve sportive.
Gruaja në fjalë thotë se takimi me më të moshuar e bën atë më të “fuqishme”, gjë që e stimulon të vazhdojë me këtë ritëm.
Ajo tutje shtoi se nuk pranon burra që i kërkojnë menjëherë të kryejnë marrëdhënie seksuale me të.
