Presidenti i Zambias Edgar Lungu i është bashkuar zisë mbarëkombëtare për vdekjen e një peshku që jetonte në një pellg në universitetin e dytë më të madh të vendit, raporton BBC.
Studentët e Universitetit Copperbelt ndezën qirinj dhe ecën nëpër kampus në kujtim të peshkut të madh.
Hashtagu #Mafishi, siç u mbiquajt peshku, aktualisht përdoret gjerësisht në Twitter në vendet e Afrikës së Jugut.
Për dy dekadat e fundit, studentët në këtë universitet kanë besuar se Mafishi do t'u sjellë atyre fat të mirë në provime.
Mafishi, i cili përkthehet nga gjuha lokale bemba do të thotë peshk i madh, ishte të paktën 22-vjeç dhe kishte jetuar në një pellg në universitet për më shumë se 20 vjet, tha përfaqësuesi i studentëve Lawrence Kasonde.
Vdekja e peshkut është ende duke u hetuar, raporton BBC. Lamtumira e fundit do të organizohet së shpejti dhe balsamimi është duke u konsideruar.
Disa studentë vizituan peshkun para provimit dhe të tjerëve u pëlqente ta shikonin pasi i relaksonte.
"Ai ishte një ikonë e universitetit tonë", thotë studenti i vitit të dytë Edwin Nambo.
"Vetëm shikimi i peshkut do të sillte paqe në shpirtrat tanë para provimit dhe në kohë të vështira."
Presidenti Lungu citoi Mahatma Ghandi në mesazhin e tij për vdekjen e favoritit kombëtar:
"Madhësia dhe përparimi i një vendi mund të matet nga mënyra se si i trajton kafshët e tij."
Kreu i opozitës Hakainde Hichilema gjithashtu tha: “Ne simpatizojmë studentët dhe stafin e universitetit për ngordhjen e peshkut të tyre të dashur Mafishi”.
RIP#mafishi... https://t.co/HgfR3dGiuO
— Glamem (@Sungraced) September 9, 2020