Arkeologët zbulojnë 27 arkivole të lashtë prej druri të varrosur për 2500 vjet në Egjipt

Ndryshe

Arkeologët zbulojnë 27 arkivole të lashtë prej druri të varrosur për 2500 vjet në Egjipt

Më: 24 shtator 2020 Në ora: 17:41
Foto Ilustrim

27 sarkofagë që u varrosën 2.500 vjet më parë janë zbuluar në Egjipt në atë që besohet të jetë gjetja më e madhe e llojit të tij.

Arkeologët që punonin në nekropolin antik Saqqara pranë Kajros zbuluan koleksionin e pabesueshëm.

Fillimisht vetëm 13 sarkofagë u gjetën në fillim të këtij muaji, por përpjekjet e mëtejshme kanë zbuluar edhe 14 të tjerë, raporton BBC.

Në një deklaratë të Shtunën, Ministria e Antikitetit e Egjiptit tha: “Studimet fillestare tregojnë se këto arkivole janë mbyllur plotësisht dhe nuk janë hapur që kur u varrosën”, shkruan DailyMail.

Zbulimi besohet të jetë më i madhi në llojin e tij ndonjëherë dhe deklarata e ministrisë tha se ata shpresonin të zbulonin “më shumë sekrete”.

Krahas sarkofagëve prej druri, statuja dhe objekte më të vogla u zbuluan gjithashtu nga ekipi arkeologjik.

Megjithëse ishte zbuluar më herët, ministria vonoi njoftimin e lajmit derisa Ministri i Antikiteteve Khaled al-Anani të mund të vizitonte vetë vendin e gërmimit për të inspektuar sarkofagët.

Shfaq komentet
comments powered by Disqus
Sot mund të lexoni Shfletoni kopertinat