Luanët jetojnë në tufa, kurse tigrat dhe arinjtë janë zakonisht kafshë solitare.
Por nga njëherë në jetë krijohen bashkime e aleanca të papritura, siç tregon dhe kjo tufë e pazakontë që jetojnë në harmoni, edhe pse i përkasin specieve të dnryshme.
Prej traumës që kanë kaluar kur ishin të vegjël, ky luan, tiger e ari, kanë krijuar një lidhje të fortë, nga e cila mund të mësojmë të gjithë ne.
Rrjeti Bright Side sjell historinë unike të një prej familjeve me lidhje më të forta në botën e kafshëve …
Në 2001, policia e Georgia në SHBA bastisi shtëpinë e një trafikanti drogash dhe aty gjeti një skenë zemërthyese.
Në bodrumin e shtëpisë ishin tre këlyshë të tmerruar, një luani, një tigri e një ariu, të gjithë të kequshqyer, të e infektuar me parazitë dhe me shenja trajtimi abuziv.
Ariu Baloo kishte një qafore që i kishte prerë lëkurën. Tigri Shere Khan, dukej se ishte pranë vdekjes, ndërsa luani Leo, ishte mbyllur në një kuti të vogël.
Por ditëve të tyre mizore u erdhi fundi teksa autoritetet e Georgia i vendosën ato në qendrën e kafshëve Noah’s Ark, ku Baloo, Shere Khan, e Leo, kishin mbështetjen e njëri-tjetrit. Ato përkëdhelnin dhe luanin me njëri-tjetrin duke kaluar ngadale dhimbjet e te kaluares.
Kjo familje ishte tepër e lidhur mes anëtarëve te saj qe nuk i jepnin rëndësi ligjeve të natyrës.
Ariu i zi Baloo, kishte pësuar më shumë abuzime kur ishte këlysh dhe duhet të operohej kur u shpëtua. Ai u nda për një kohë nga miqtë e tij por kur u rikthye ata e mirëpritën me lojra, përkëdhelje e të lëpira.
Baloo ishte kthyer në një ari të qetë që bënte gjithçka për Shere Khan, tigrin e Bengalit, që ishte më i vogli nga të tre, dhe më çapkëni. Ai sulmon Baloo e Leo gjatë lojrave të tyre por dinte gjithashtu të tregonte shumë afeksion.
Treshja e vëllezërve jetuan së bashku për 15 vjet dhe kujdestarët e tyre thonë se nuk kanë parë ose dëgjuar të jenë bërë të dhunshëm ndonjëherë me njëri-tjetrin. Pas makthit që kaluan kur ishin të vëegjël, ata u shpërblyen me shumë, shumë ditë të lumtura.
Për fat të keq në 2016, luani Leo u diagnostikua me kancer dhe pak më vonë u nda përgjithmonë nga dy vëllezërit. Tigri Shere Khan e ndoqi atë në vitin 2018 dhe u varros pranë vëllai të tij në shtëpinë e tyre të drurit, ku ata preferonin gjithmonë të qëndronin.
Ariu Baloo është i vetmi i mbetur në rezervat dhe tashmë pret ditën që ndoshta treshja të bashkohet përsëri.
