Një çift anglez thotë se “është pothuajse shumë e mirë për të qenë e vërtetë” të festosh 72 vjetorin e martesës.
Glynne Morris, 96 vjeç, dhe gruaja Kathleen, 93 vjeçe, u martuan në Kishën e Shën Leonardit në Wollaton, Nottingham natën e Krishtlindjeve më 1948. Çifti që tani jetojnë në Warwickshire, janë stërgjyshër dhe do të festojnë përvjetorin e tyre të lumtur bashkë në shtëpinë e tyre të vogël.
Pas pandemisë, ata shpresojnë se këtë përvjetor do ta shënojnë me një festë më të madhe. Morris dhe gruaja e tij kishin qenë komshinj të afërt kur ishin të rinj.
“Kalova katër vjet në ushtri gjatë luftës dhe kur u ktheva ajo ishte rritur dhe ishte bërë një grua shumë tërheqëse”, tha ai. Çifti gëzojnë shëndet mjaft të mirë dhe kur u pyetën për sekretin e martesës së tyre të gjatë, Morris tha: “Ne nuk kemi qenë të palumtur kurrë”.