Instituti Kombëtar Italian i Gjeofizikës dhe Sizmologjisë ka botuar një vieo-rindërtim të përhapjes së tërmetit që goditi Kroacinë të martën, me epiqendrën afër Petrinjes.
Informacioni i parë ishte se tërmeti kishte një madhësi prej 6.4 të shkallës Rihter, gjë që u vu re edhe nga instituti nga Roma, i cili rindërtoi përhapjen e tërmetit në Kroaci dhe vendet fqinje.
Videoja tregon tërmetin duke u transmetuar përtej Adriatikut në Gadishullin Apenin.
Vijat blu dhe të kuqe tregojnë ngritjen dhe rënien e tokës.
Qendra Sizmologjike Mesdhetare Evropiane vlerësoi se tërmeti u ndie nga gjashtë milion njerëz në Kroaci dhe 11 vende të tjera.
Sipas këtij informacioni, tërmeti në zonën e Petrinjes u ndje në të gjithë Bosnjën dhe Hercegovinën, Republikën Çeke, Gjermaninë, Hungarinë, Italinë, Malin e Zi, Rumaninë, Sllovakinë, Slloveninë, Serbinë dhe Austrinë.
Le t'ju përkujtojmë, në tërmetin shkatërrues që goditi pjesën qendrore të Kroacisë - Petrinja, Sisak, Glina, shtatë njerëz u vranë dhe dhjetra u plagosën.
