Një nënë ruse është ndaluar nga policia pasi ajo derdhi benzinë ??në gojën e djalit të saj tetë vjeçar dhe më pas i vuri flakën. Djali vdiq në spital pasi pësoi djegie të tmerrshme prej 45 për qind.
Anastasia Baulina, 31 vjeçe ishte e tërbuar që djali i saj Andrey ‘e tradhtoi’ atë duke i thënë njerkut të tij se ajo ishte vizituar nga i dashuri i saj thuhet në mediat e huaja. Ajo debatoi me djalin e saj dhe më pas e mori atë në oborr,i mbushi gojën me karburant dhe pastaj i vuri zjarrin.
Ndërkohë motra e tij vetëm 12-vjeçe tha se ai po qante kur karburanti po i derdhej në gojë.
Ndërsa vajza iku e tmerruar, nëna dhe njerku Pavel Baulin, 35 vjeç, një punëtor në fermë, shuan flakët dhe thirrën një ambulancë. Por djali u plagos rëndë, dhe ai vdiq dy ditë më vonë nga djegiet e mëdha. Një hetim për vrasje u hap dhe gruaja nga rrethi Zheleznogorsk u ndalua dhe nëse dënohet ajo përballet me 20 vjet burg.
