Pandemia ende është duke e bërë të veten duke përfshirë rregullat e karantinës, të cilat po ndryshojnë nga dita në ditë dhe ka ende paqartësi se kur mund të pushojmë përsëri, por një gjë mbetet konstante në botën e udhëtimeve: shtëpitë prej 1 euro të Italisë.
Këtë muaj, është radha e një qyteti tjetër sicilian, Castiglione di Sicilia, për të ofruar shtëpi me çmimin e një kafeje.
Në shpatet e malit Etna, pranë Taormina elegant dhe plazhet e bregut lindor të Sicilisë, qyteti po shet një shtëpi parakolpësh: afërsisht 900 shtëpi të braktisura, raporton cnn.
Shumica janë të vendosura në pjesët më të vjetra të qytetit. Rreth gjysma janë shkatërruar dhe do të dhurohen me një çmim simbolik prej 1 euro.
Kryebashkiaku Antonino Camarda ka ndërmarrë një projekt ambicioz për t’i dhënë frymë të re fshatit të tij ku popullsia është zvogëluar nga 14,000 në fillim të viteve 1900 në mezi 3,000 sot.
“Ne kemi një trashëgimi të madhe arkitektonike për të shpëtuar, të mbushur me histori. Me kalimin e kohës, shumë njerëz janë larguar, duke lënë pas një tufë shtëpish të vjetra, piktoreske, madje shumë që datojnë që nga Rilindja”, thotë ai.
Ndryshe, nëse ka shumë interes për të njëjtën pronë, do të mbahet një ankand.
