Ky çift ka fituar rekordin “Guinness”!

Ndryshe

Ky çift ka fituar rekordin “Guinness”!

Më: 24 qershor 2021 Në ora: 22:11
James dhe Chloe Lusted

James dhe Chloe Lusted janë shpallur çifti i martuar me diferencën më të madhe të gjatësisë, rreth 60 cm.

Ata u konfirmuan nga komisioni i rekordeve “Guinness” në kategorinë specifike:

Çift i martuar, sekse të ndryshme, gruaja më e gjatë. Chloe është e gjatë rreth 1.65 cm, ndërsa James 1.09 cm.

33-vjeçari vuan nga një formë e rrallë nanizmi e njohur si Displasi Diastrofike.

Ai është me profesion aktor dhe prezantues, ndërsa bashkëshortja e tij, 27-vjeçarja Chloe, është mësuese.

Dyshja është njohur në një bar ku u prezantuan nga miq të përbashkët të tyre dhe në periudhë Chloe ishte studente në Cardiff të Uellsit.

Pavarësisht nga frika për sfidat e mundshme me të cilat do të përballeshin nga lidhja e tyre e dashurisë, veçanërisht në lidhje me mënyrën se si të tjerët mund t’i trajtojnë ata, ata zyrtarisht u bënë çift në fund të vitit 2013.

Shtatë muaj më vonë, Chloe dhe James udhëtuan në një liqen në veri të Uellsit. Për këtë udhëtim, James kishte një plan mjaft të bukur.

Me pamjen e bukur të liqenit si një sfond, James u ul në një gju dhe i propozoi Chloe, e cila pranoi me lumturi.

“Historia jonë e dashurisë na ka mësuar dhe u ka mësuar të tjerëve që ju nuk mund ta gjykoni një libër nga kopertina e tij, dhe thjesht ta doni personin pa marrë parasysh kush janë ata. Unë nuk mendoj se ju mund të zgjidhni me kë dashuroheni.” – Chloe Lusted

Çifti i lumtur janë martuar prej pesë vjet dhe kanë një vajzë dy-vjeçare të quajtur Olivia.

commentFirst article
Sot mund të lexoni Shfletoni kopertinat