“Unë gjithmonë kam qenë në paqe me trupin tim,” thotë Terry Aston. Nuk ka nevojë që ai të përgatitet psikologjikisht para se të zhvishet dhe ta dorëzojë veten e tij krejtësisht zhveshur për të pozuar në një klasë arti.
Fillimisht ai merr paracetamol sepse në moshën 71 vjeç, mbajtja e një poze për dy orë dhemb.
Pozimi nudo është një kërkim i pazakontë për t’u adoptuar me jetën e re pas daljes në pension, kështu që pse duhet ta bësh një gjë të tillë?
“Unë doja ta shihja veten ashtu siç më shohin njerëzit e tjerë,” thotë Aston. Ai është përballur me trupin në një klasë skulpture Pasi ai dhe gruaja e tij u divorcuan në 2013, Aston filloi të vizatonte.
Djali i tij Tom është vetëvrarë disa vjet më parë. Ndërsa Aston ishte në proces divorci, ai mori një laps dhe “filloi të eksplorojë” ndjenjat e tij më të thella
Një ditë, Aston e gjeti veten duke biseduar me një model dhe aplikoi në Regjistrin e Modeleve të Artistëve.
Si ish drejtor menaxher i një kompanie të pajisjeve mjekësore, Aston dinte të ndërtonte një faqe në internet dhe i shiti shërbimet e tij si model në klasat e gjithë Oxfordshire, ku ai jeton.
Në ditët e tij më të ngarkuara, ai ka tre prenotime
“Me divorcin dhe djalin tim, dhe të gjitha gjërat e tjera që më ndodhën, unë u tërhoqa më shumë në vetvete. Në fakt, nuk ishte një gjë aq e mirë”
Aston është ndjerë gjithnjë mirë me gjendjen e tij fizike, ai shijonte pushimet në natyrë, por gjendja e tij emocionale ishte një çështje tjetër. Me modelimin ai e ka liruar veten duke shprehur hapur edhe ndjenjat e tij.
Ai së fundmi ndau vdekjen e djalit të tij me klasën e tij të skulpturës.
“Unë u thashë atyre: Ju nuk po skalitni vetëm një figurë, por po skalitni një person. Ju më keni skalitur më parë, kur keni parë njërën anë të personalitetit tim, që është një person i ashpër… Këtu është ana tjetër e imja”.
