E mbajti kufomën e nënës në bodrum, donte të ia merrte pensionin, nuk i tregoi as vëllait

Ndryshe

E mbajti kufomën e nënës në bodrum, donte të ia merrte pensionin, nuk i tregoi as vëllait

Më: 10 shtator 2021 Në ora: 08:38
Ilustrim

Një burrë në Austri e mbajti në bodrum për më shumë se një vit kufomën e nënës së vet përderisa vazhdoi t’ia merrte pensionin, njoftoi policia e këtij shteti.

Gruaja 89-vjeçare, për të cilën raportohet se vuante nga demenca, besohet se kishte vdekur nga shkaqe natyrore në qershor të vitit të kaluar, shkruan BBC.

I biri i saj, 66 vjeç, thuhet ta kishte vendosur kufomën në bodrumin e shtëpisë dhe kishte përdorur pako me akull dhe fasha për ta izoluar erën e trupit të pajetë.

Policia beson se i dyshuari mund të ketë përfituar rreth 50 mijë euro nga pensioni i nënës tashmë të ndjerë.

Mashtrimi i këtij burri u zbulua vetëm kur një postieri të ri, i cili e shpërndante pensionin e gruas në rajonin e Tirolit perëndimor, iu refuzua kërkesa për ta parë pensionisten, thuhet në deklaratën e policisë.

Refuzimi i vizitës nxiti hetimi dhe në këtë mënyrë u zbulua mashtrimi i pështirë. Një zyrtar policor tha se i dyshuari nuk kishte të ardhura të tjera dhe u tha autoriteteve se pensioni i nënës do t’i ndalej menjëherë, nëse do ta kishte raportuar vdekjen e saj, duke e lënë pa mundësi për t’i paguar shpenzimet e funeralit.

I dyshuari nuk i kishte treguar as vëllait të vet për vdekjen e nënës, duke i thënë se ajo është duke u mbajtur në spital dhe se nuk ia vlen që ta vizitojë, sepse në gjendjen në të cilën ajo ndodhej, kishte pak gjasa që do ta njihte.

commentFirst article
Sot mund të lexoni Shfletoni kopertinat