Një fermer nga Kozara e Kuçovës kontaktoi mediat për të bërë publik një problem mjaft të ndjeshëm në bujqësinë tonë.
Ai shprehet se ka mbjellë një sipërfaqe prej 2 hektarësh me shalqi dhe për fat të keq i ka mbetur i gjithi i pa shitur.
Në mënyrë që të mos shkonin dëm, ai është detyruar që të ushqejë me to lopët e tij. Pavarësisht se lopët lëpinë buzët nga ajo që panë dhe i kullufitën menjëherë shalqinjtë e gjorë, ky fakt tregon se sa keq po administrohet aktualisht bujqësia në vendin tonë ku mungon organizimi i zinxhirit të shpërndarjes nga fermeri tek konsumatori final.
