Qeni njihet si miku më i mirë i njeriut, por mund të jetë gjithashtu një shpëtimtar në raste rreziku.
Të martën, William Odom, 2 vjeç, nga Missouri, u zhduk nga shtëpia e tij, raporton WBTV. Prindërit e tij, Departamenti i Sherif Qarkut Harrison, dhe lagjja u bashkuan për ta gjetur ndërkohë që ishin shumë të shqetësuar për fatin e të voglit.
Më në fund grupi e gjeti djalin teksa flinte në një kamion rreth një milje nga shtëpia e tij. Por ajo çka i befasoi ishte fakti se ai nuk ishte vetëm, por bashkë me qenin e familjes.
Sherifi i Harrison County Troy Petereson tha se: “Sa herë që gjenin gjurmë të djalit gjenin edhe gjurmë të qenit të familjes pranë tij”.
“Është një histori mahnitëse. Ne jemi të lumtur që ai është mirë me shëndet dhe u rikthye në familje falë qenit”, shtoi ai.
Me sa kuptohej qeni e kishte ndjekur 2-vjeçarin në çdo hap duke i hedhur herë pas herë një sy për të qenë i sigurt se do të ishte mirë. Më tej qeni u kthye në roje duke u kujdesur për djalin teksa flinte në kamion, duke pritur derisa ta gjenin familjarët.
