Përgatitet në Kubë kokteji më i madh në botë

Ndryshe

Përgatitet në Kubë kokteji më i madh në botë

Më: 28 gusht 2018 Në ora: 07:50
Pamje nga video

Qindra banakierë nga Amerika janë mbledhur në Havana për të krijuar koktejin gjigant të njohur si Cuba Libre, i cili përmban lëng limoni, rum, dhe pije të gazuar.

Kokteji prej një mijë litrash u përgatit me 20 arka me rum dhe 200 litra Coca-Cola.

Ngjarja për përgatitjen e pijes më të madhe shënon fillimin e garave në mes të banakierëve, për nder të njërës nga pijet më të famshme të botës. Banakierët nga Kuba, po ashtu edhe ata nga Amerika, Uruguai, Republika Dominikane, Peru dhe Nikaragua ndihmuan në këtë pije.

Përzierja u ofrua për vizitorët dhe pranishmit në këtë ngjarje. Ngjarja vazhdon të mbahet përgjatë gjithë javë në Kubë, dhe pjesëmarrës janë rreth 200 profesionistë.

Kjo video do të shikohet nga Libri i Rekordeve Guinness për të konfirmuar nësë kanë thyer rekordin. 

Sot mund të lexoni Shfletoni kopertinat